XIV Volta Ciclista á Provincia de A Coruña

A Deputación da Coruña organiza a XIV Volta Ciclista á Provincia, que este ano se celebrará os días 15, 16 e 17 de maio con saída dende o concello de Monfero. Precisamente alí foi onde o presidente provincial presentou a competición, no colexio Virxe da Cela, para animar aos rapaces a que participen nas actividades complementarias que levará esta proba polos concellos.

Este ano a Volta chegou a 21 concellos da Coruña, Ferrolterra, Eume e Ortegal. En concreto, o pelotón pasou por Monfero, Irixoa, Oza-Cesuras, Betanzos, Miño, Pontedeume, Cabanas, Vilarmaior, Mañón, Ortigueira, As Somozas, As Pontes, Cedeira  e o último día a saída e final foi en Valdoviño, pero o pelotón tamén pasou por San Sadurniño, Neda, Ferrol, Narón, Moeche, Cerdido, Cariño e Cedeira.

Os responsables de explicar o traxecto foron os ciclistas profesionais Ezequiel Mosquera e Gustavo César Veloso que advertiron de que “eran as etapas máis duras dos últimos anos” e despois responderon ás preguntas dos estudantes.

Na presentación tamén estivo a vicepresidenta da Deputación e responsable da área de Deportes, Mariel Padín, o presidente da Federación Galega de Ciclismo, Juan Carlos Muñiz, e o alcalde deste e outros municipios da zona.

O rexedor, Benjamín Rodríguez, agradeceu que a Volta saíse este ano do seu concello e animou aos rapaces a “facer deporte e compaxinalo cos estudios”. Pola súa banda, Muñiz agradeceu a “aposta” da Deputación nos últimos anos co ciclismo, unha modalidade “que cada vez atrae a máis xente. “É un deporte de élite gratis”, sinalou o portavoz da federación. 

En cada etapa, a Deputación en colaboración co Club Cambre Caeiro, organizou actividades infantís nos concellos sede co obxectivo de promover este deporte entre os máis novos.

Entre elas está a celebrada no noso centro educativo, foi todo un éxito de participación, As familias trouxeron as bicicletas de rapaces e rapazas, que xunto coa estupenda organización do  Club Cambre Caeiro pasamos unha xornada para lembrar, na que deporte e convivencia pedalearon polo deporte.

Grazas a todos!

Por último, destacar que Pedro Merino (Froiz) logrou  a vitoria final da Volta. Merino pertence ao  Grupo Deportivo Super  Froiz, que xa conseguiu oito vitorias anteriores nesta competición.

.

Ferramentas de labranza

O patrimonio cultural dun pobo está marcado polos seus usos e costumes. As ferramentas de labranza forman parte da unión das xentes coa natureza e da súa paisaxe. Queres coñecer as nosas?

O alumnado de 1º e 2º curso preparou este fermoso traballo.

Ferramentas de labranza from satelite1

Entroido en Irixoa

Toca investigar e celebrar  o Entroido na nosa comarca.

Festa en post da tradición e da cultura intimamente relacionada cos usos e costumes relacionados co medio natural. 

Queres gozar desta viaxe?

Ademais descubrimos o libro " O Antroido nas Mariñas dos Condes" de Xosé Raimundo Núñez Lendoiro, 

grazas a Alex que o trouxo da biblioteca.

CALES SON OS TEUS VALORES: PASAPORTE SOLIDARIO NO CPI VIRXE DA CELA

O  pasado venres 20 de febreiro no CPI Virxe da Cela quedamos máis que encantados coa maxia e feitizo da radio.  En realidade os méritos quedan moi repartidos…

Por unha banda temos aos rapazas e rapaces de 4º de primaria, que amosaron un talento innato diante dos micrófonos, guiando o programa radiofónico de principio a fin sen cortes nin  repeticións e conversando con grande naturalidade co convidado principal. Tamén neste interesante convidado, de nome Cristóbal Rodríguez, de profesión “xornalista” e de vocación “voluntario”, recaen merecidos méritos, xa que explicou a finalidade deste documento que rexistra as nosas actividades solidarias (iniciativa que descubriu en Dinamarca fai uns anos) e contestou con moitísimo detalle a todas e cada unha das preguntas realizadas tanto polos presentadores como polo público asistente (alumnado e profesorado de educación primaria), e iso que algunhas delas tiñan o seu grado de complexidade… Parabéns por tanto, e en terceiro lugar, a estes nenos/as  que durante case unha hora estiveron atentos/as á realización deste programa radiofónico en directo e dinamizaron coas máis variadas preguntas o desenvolvemento do mesmo.

E finalmente temos que recoñecer a interesante labor que están levando a cabo no noso centro Lucía Abarrategui e Sergio Pascual a través do seu proxecto “Radio Itinerante Creativa”, visitando as nosas aulas dúas veces ao mes para impartir obradoiros a todo o alumnado do centro (desde infantil ata a ESO) e deste xeito fomentar as súas capacidades orais e comunicativas… E os resultados están máis que á vista, viaxando polo espazo en forma de onda sonora…

Abrir as fiestras ao mundo: Finlandia

MONFERO, 23 DE FEBREIRO DE 2015

Tom Wikman, Doctor en Educación, BSc (biología) visita o noso centro educativo, dentro das actividades para potenciar o coñecemento de diferentes realidades. 

Profesor de ciencias da educación na  Åbo Akademi University (Vaasa, Finlandia).

Ademais, ten traballado como profesor na ensinanza primaria, autor de libros de texto, investigador de materiais curriculares e  participado en avaliacións internacionais: Noruega, Suezia e Tanzania.

Grazas!!!!

CONFINT, Barcelona 2014

O noso centro foi invitado a participar na CONFINT de Barcelona 2014.

A Confint (Conferencia Internacional de Xóvenes Coidemos o Planeta) é un proceso de educación ambiental que, con protagonismo dos/as rapaces/rapazas, traballa a dimensión local e global da crise medioambiental e cuxo lema é Coidemos o planeta (desde biodiversidade, cambio climático, pobreza... ata desenvolvemento social, equidad, xustiza social...).

A II Confint Estatal tivo lugar en Barcelona do 12 ao 15 de novembro. Nela participaron representantes de 10 delegacións (Palencia, Madrid, La Rioja, Galicia, Euskadi, Cataluña, Murcia, Navarra, Albacete e Canarias). A nosa delegación estivo formada por 9 alumnos, 4 do IES Carlos Casares de Vigo e 5 do CPI Virxe da Cela de Monfero, e 2 profesores.

Durante os dias que durou o encontro, alumnos, profesores e técnicos participaron en intensas xornadas cheas de conferencias, presentacións, dinámicas de grupo, obradoiros,… que culminaron o 14 no serán cunha visita a Barcelona e o 15 pola mañá coa exposición das conclusións finais.

Entre o alumnado participante das diferentes delegacións redactaron un Manifesto, que, a través dunha comisión formada por alumnos, profesores e técnicos, foi entregado a representantes do XIII Congreso Mundial de “Cidades Educadoras”, así como a representantes da Generalitat e da Confint Europea.

Na primavera do 2015 organizarase a Confint Internacional en Bruselas, na que participarán os delegados elixidos polos participantes na Confint Estatal.

Dende o CPI Virxe a Cela cremos que é fundamental a participación da nosa comunidade neste tipo de eventos, xa que é unha maneira de que os alumnos dean a coñecer e vexan valorado o seu traballo do dia a dia, e sexan conscientes de non están solos na súa loita por crear un entorno mellor, xa que como rezaba o lema desta Confint:

“Se non é agora, ¿cando?, se non somos nos, ¿quen?”

Máis información, fotos, vídeos, presentacións,…:

http://confint-esp.blogspot.com.es/

No seguinte enlace tedes unha presentación na que podedes faceros unha idea do que foi este encontro:

Presentación CONFINT

Participantes na Confint

Delegación galega

Manifesto da Confint

Os abaixo asinantes, alumnos e alumnas de diferentes escolas do Estado, reunímonos en Barcelona do 12 ao 15 de novembro de 2014 no marco da II Conferencia Estatal de Mozos Coidemos o Planeta.Como representantes de diversas comunidades autónomas e dos nosos respectivos centros, estamos levando a cabo moitos proxectos sobre sostibilidade e medio ambiente. O noso obxectivo é concienciar a sociedade dos perigos e desvantaxes que ten non ser coidadoso co medio ambiente e así poder aportar o noso graíño de area para cambiar o mundo.Sostémonos baixo o lema “pensa globalmente e actúa localmente” xa que nos nosos centros traballamos proxectos para a sostibilidade a nivel comarcal e local. Cremos que a educación para a sostibilidade ten que ser tratada durante toda a etapa educativa dende os cursos de infantil ata a universidade co fin de tomar conciencia da importancia ecolóxica e a sostibilidade.Presentamos de seguido unha serie de propostas mediante as cales pretendemos reclamar a importancia que ten coidar o planeta.Mirando para o noso ambiente máis próximo, a escola, presentamos as seguintes peticións:·         Que se promova unha educación sostible dende os primeiros anos, para que as xeracións vindeiras poidan e saiban coidar o noso planeta.
·         Que se dean subvencións para os centros educativos que desexen mellorar as súas infraestruturas para ser ambientalmente máis sostibles.
·         Que se poñan en marcha máis iniciativas relacionadas coa sostibilidade dende os centros escolares, así como que continúen a realizarse encontros como o do proxecto Coidemos o Planeta.
Dende a perspectiva cidadán, tamén pedimos:·         Promover as enerxías renovables a nivel de particulares, edificios públicos e empresas, facilitándolles axudas económicas para poder levalo a cabo.
·         Que dende as institucións se poñan ao alcance da cidadanía toda a información necesaria para a concienciación medioambiental.
·         Promover o uso do transporte público facéndoo alcanzable e accesible a toda a sociedade.
·         Aproveitamento de espazos públicos converténdoos en zonas ou en puntos verdes para que a poboación poida contribuír a facer a súa cidade máis sostible.
 Para rematar , uns dos obxectivos que queremos levar a cabo é que se involucren todos os centros e desta forma ser máis na loita para coidar o planeta. Esiximos aos nosos gobernantes que dean resposta a todas estas cuestións e esperamos que o teñan en conta á hora de deseñar e aplicar as súas políticas. Así mesmo pedímoslles que dean a coñecer nos seus espazos de decisión este proxecto e que estean sempre dispostos a escoitar a nosa voz, a voz dos mozos e mozas. ¿Se non é agora, cando? ¿Se non somos nos, quen? Barcelona, 15 de novembro de 2014

A ARQUITECTURA POPULAR NA NOSA CONTORNA

Xa rematadas as clases e despois duns días de auténtica loucura imos colgar os vosos traballos para o proxecto Somos paisaxe, somos vida (Sostenibilidade e Paisaxe) sobre a arquitectura popular nos concellos de Irixoa, Monfero, Aranga ,Miño, Sobrado dos Monxes....Moitas grazas a todos polo voso interés pero creo que o esforzo valeu a pena. Un recoñecemento especial para os alumnos de 4,º sobre todo para Adrián e Iago na montaxe e para Martín na redación.

 Este catálogo de arquitectura popular e anónima da nosa contorna e só o inicio porque podémolo continuar dende agora mesmo facendo ese labor de búsqueda e investigación para coñecer e descubrir outras construcións relixiosas ou civís, con calquera función, que forman parte da nosa paisaxe e da nosa vida. Adrián Allegue de 4º, sempre tivo unha especial sensibilidade para detectar as intervencións desafortunadas nalgunhas construcións que nos rodean e dende 1º de ESO confecciona un arquivo sobre O Feísmo na nosa paisaxe.

O obxectivo é ensinar a ver e educar a mirada, facela atenta para comprender, interpretar e ordear a realidade logrando a comprensión da diversidade e a sensibilización cara o medioambiente comprindo unha función de ponte entre as ciencias fisicas e as sociais Queda moitísimo por facer ....Continuará!.Estamos orgullosos da nosa paisaxe..... Non esquezades levar sempre a cámara. Noraboa a todos!

E moitas grazas a profesora coordinadora da actividade: parabéns Teresa Losada. 

2 arquitectura popular final from mackerel100

3 feísmo final [reparado] from mackerel100

Material autoeditado

TRANSFORMACIÓNS E DESEQUILIBRIOS NO MUNDO ACTUAL

Os alumnos de 3º de ESO e a súa profesora Teresa Losada teñen traballado arreo para rematar as tarefas que tiñamos programadas para este  último trimestre con Cooperación Galega: O mundo que queremos e co proxecto "Sostenibilidade e Paisaxe".Os traballos abordan temas de candente actualidade que van dende  a relación entre a natureza e a sociedade ata os movementos migratorios, a globalización, a desigualdade, o desenvolvemento sostible, a xestión dos residuos, a auga....A vista dos resultados dende logo, mereceu a pena.

Rel entre natu e correx from mackerel100

Os fenom. migratorios correx adrián e brais from mackerel100

Impactos ambientais aire vex correx from mackerel100

Globalización e desigu pablo e álex correx from mackerel100

Desar sustent residu correx manu from mackerel100

Material autoeditado

SOSTENIBILIDADE E MEDIO AMBIENTE EN 1º DE ESO

Dúas rapazas de 1º de ESO Tania e Laura coordinadas pola sua proferora Teresa  Losada, moi concienciadas co medio ambiente aportan uns traballos moi orixinais que incluímos en Cooperación Galega: O mundo que queremos e no proxecto "Sostenibilidade e Paisaxe". Vos si que tedes competencia dixital! Ánimo e a seguir traballando. 

Contaminacions boas ou malas personajes from mackerel100
Material autoeditado

A AUGA E OS OBXECTIVOS DO MILENIO

O deterioro dos recursos hídricos do planeta é unha realidade: a sobreexplotación de ríos e de acuíferos provoca a perda de ecosistemas e tamén graves conflitos entre estados. No golfo de Bengala as tronzas indiscriminadas, as inundacións e a sobreexplotación alteran o ecosistema do rio Ganges... Estados Unidos acusa a México de contaminar o río Grande perxudicando ós agricultores de Texas.. No Senegal, a intención do goberno de derivar auga do río Senegal con fins agrícolas é rexeitada por Mauritania, e o problema tamén afecta a Mali. Na aula de 3º da ESO, Sofiá e Laura coa coordinación da súa mestra Teresa Losasa Rodrígues afondaron na temática da auga e....Consideras que o problema da auga lle afecta ao mundo entero 

Auga laura s e sofía correx from mackerel100

Xogos lúdico-manipulativos

Estamos no inverno, moitas veces non podemos saír o patio e temos que quedar xogando no comedor. Gústannos os xogos de mesa, pero sempre son os mesmos, polo que nos imos xuntar e crear os nosos propios xogos.

Reunímonos e acordamos crear un Trivial, unha Oca e un Twister da Natureza. Ditos xogos partirán das aulas de Ed. Infantil e 3º ciclo de Ed. Primaria e queremos recadar a cooperación do profesorado e das familias.

O primeiro en realizarse e o “Trivial da Natureza” xogo lúdico manipulativo no que seguindo a estrutura do “Trivial” tradicional se inclúen preguntas aportadas polo alumnado, profesorado e familias das diferentes áreas curriculares e un apartado de cultura xeral que permita identificar as singularidades da nosa comarca e do seu patrimonio.

A “Oca das Fragas do Eume” sigue a estrutura da oca tradicional, pero as súas casillas conteñen preguntas relacionadas co medio natural e co patrimonio cultural das Fragas do Eume.

O Twister das Fragas do Eume conta cos círculos de xogo ilustrados coas aves máis comúns no noso medio natural. Esta deseñado para o alumnado de Ed. Infantil.

Material autoeditado

"X" XORNADA CULTURAL AMIGOS DO MOSTEIRO DE MONFERO

O sábado día 7, a partir das 17:30 celebrouse o acto anual da Asociación de Amigos do Mosteiro de Santa María de Monfero. 

Conta cunha fermosa exposición no mosteiro na que hai fotos antigas, fotos recentes e debuxos dos nenos e nenas do Colexio Virxe da Cela.

Xa sei,que as fotos de aquí vense moi mal, non se distingue nada, pero está feito a posta, se as queredes ver ben teredes que vir de visita ao mosteiro. Seredes benvidos 

Indhira: conto sonoro

ELABORANDO XABÓNS SOLIDARIOS

Esta iniciativa realízase por segundo ano consecutivo no CPI Virxe da Cela, dirixida por Mª José Fandiño, a profe de CCNN, que convirte o laboratorio nun espazo para a investigación e anima aos alumnos da ESO a vestir de bata branca e facer experimentos que terán un produto final. Neste caso a fabricación de xabóns "solidarios". Este sobrenome de "solidarios" ten que ver coa súa finalidade: foron vendidos na conmemoración de San Valentín (febreiro 2014) e no VI Rastro Solidario (abril 2014), e os cartos recadados serán destinados para unha causa solidaria. 

Foi un proceso interesante, lúdico, que queremos compartir convosco a través deste vídeo. Temos a obriga de resaltar o potencial xornalístico de Adrián (3º ESO), que ten un dominio total e absoluto do micrófono, e retrasmitiu en vivo e directo todo o proceso, facendo comentarios, traducións simultánea, cuñas publicitarias, etc...

A maxia dos sabores

A gastronomía forma parte do patrimonio cultural  “in”tanxible dos pobos. Non só cobre unha necesidade biolóxica, senón que tamén representa a paisaxe como recurso.

Igualmente, configúrase como elemento diferenciador dun estilo de vida que perdura de xeración en xeración sen necesidade de transcribirse.

Cociña diaria e cociña festiva, que une xentes, palabras e feitos e que desde as clases Ed. Infantil queremos homenaxear coas receitas que as  nosas familias foron atesourando en lumes e fogóns.

Cociña de sensacións, de sabores, olores... en definitiva, da maxia que as profesoras de Ed. Infantil transmiten no seu día a día (Oliva e Vanesa) ,

infantil - Movie Maker

SOMOS PERIODISTAS: EMISIÓN RADIOFÓNICA VI RASTRO SOLIDARIO E OPERACIÓN QUILO 2014

                                   www.diariodeferrol.com (Pica na imaxe para ver a noticia)

A celebración do VI Rastro Solidario e Operación Quilo 2014 supón un día moi especial para o CPI Virxe da Cela. O venres 11 de abril de 2014 o noso centro realizou unha xornada de portas abertas, e ademais dos nenos e nenas, profesores e profesoras, os corredores recibiron a visita de familias, que se achegaron á nosa escola para participar activamente nesta actividade. Coincidindo coa realización do obradoiro de radio “Laboratorio Radiofónico”, que se vén desenvolvendo todos os venres no noso centro desde o pasado mes de febreiro e dirixido ao alumnado de 5º e 6º de primaria e 4º da ESO, tivemos a idea de realizar unha gravación especial dedicada á VI Edición do Rastro Solidario e Operación Quilo 2014.

Os rapaces e rapazas de 5º e 6º de primaria, dentro das actuacións do proxecto "Sostenibilidade e paisaxe" entrevistaron a Belén e Yoli, dúas das nais que viviron de cerca esta experiencia: dedicaron parte do seu tempo axudando aos máis pequenos a elixir os obxectos e realizar o troco de alimentos, axenciáronse a cámara de fotos para documentar a actividade, e incluso unha delas aportou gran cantidade de bisutería realizada artesanalmente utilizando as cápsulas de nespresso e que tivo grande éxito de vendas… Aproveitando a visita de Mª José e Bea, da Fundación Ayuda en Acción, fixémoslles tamén unha entrevista para ver o seu punto de vista. Ambas agasallaron ao noso centro cun montón de críticas positivas, e sabemos que o convenio de colaboración coa Fundación Ayuda en Acción que firmamos o pasado mes de decembro de 2013 vai dar moitos froitos.

Tamén entrevistamos a Verónica, unha das profes coordinadoras de Monferosolidario, que resaltou a importancia desta actividade para sensibilizar a toda a comunidade educativa, e contamos tamén cos comentarios de varios alumnos e alumnas, que amosan grande entusiasmo e satisfacción ao sentirse partícipes dunha acción que vai axudar ás persoas máis necesitadas.

Distrito forestal de Ferrol: obradoiro de concienciación medioambiental

Created with Padlet

Estupendo obradoiro ambiental realizado polo persoal do Distrito Forestal de Ferrol (Cristina e Luís) grazas ao cal apreciamos e valoramos a grandeza e a importancia das árbores e da auga.

Ademais, nós te propoñemos que deixes no muro a túa opinión, inquedanzas ou sentimentos sobre as árbores e o consumo responsable da auga. É moi sinxelo, basta con picar dúas veces no mesmo.

O Mosteiro de Monfero para nós

Created with Padlet

A asociación "Amigos do Mosteiro de Monfero" invitounos a participar na I Exposición de debuxo "Pinta o teu Convento". Aquí tedes unha mostra dos traballos. 

Nós, aparte te propoñemos que deixes no muro a túa opinión, inquedanzas ou sentimentos sobre este ben patrimonial. É moi sinxelo, basta con picar dúas veces no mesmo.

Exposición “ O noso mundo, o noso futuro, a nosa opción”

Created with Padlet

A exposición “ O noso mundo, o noso futuro, a nosa opción” que o Centro de Extensión Universitaria e Divulgación Ambiental de Galicia (CEIDA)trasladou ao noso centro os problemas medioambientais máis importantes do noso planeta.

Radio na aula: "Radio Itinerante Creativa"

                                             www.radioitinerantecreativa.blogspot.com.es/


O noso taller de radio esta sendo unha experiencia estupenda. Agradecemos a Radio Itinerante Creativa

(Sergio Pascual e Lucia Abarrategui) o seu traballo e bo facer. 

Un bico de todos.

Picade na imaxe e escoitade a evolución desta experiencia. 

Revista Galega do Ensino (EDUGA) publica o noso proxecto

www.edu.xunta.es

No número 66 (xullo - decembro 2013) da Revista Galega do Ensino ven de publicarse un artigo sobre o desenvolvemento deste proxecto no seu primeiro ano de andaina.

Aquí tedes o enlace ou clica na imaxe.

Esperamos que vos guste e agradecemos o interese da publicación.

Verbas esquecidas en Monfero e Irixoa

Blog da actividade "Verbas esquecidas" realizada polo alumnado de 1º de ESO do noso centro educativo.

Cada estudante recolle información no seu contorno: familia, veciños... sobre palabras que xa non se utilizan e con todas elas compoñemos un “dicionario de verbas esquecidas en Monfero e Irixoa”. Moitas de estas palabras aínda son coñecidas por algúns, pero en moitos casos refírense a tarefas, obxectos... que xa non se usan, por iso hai un risco de que se perdan nas seguintes xeracións.

Tedes o enlace ao mesmo na parte superior.

Nova actividade

Dentro do proxecto Sostebilidade e Paisaxe estamos a por en marcha unha actividade de recollida de imaxes en prol da valoración, difusión e análise da comarca onde nos enmarcamos. 

Con ela, ademais queremos acadar a participación do conxunto da comunidade educativa e de diferentes institucións públicas e privadas.

Tedes o enlace ao mesmo na parte superior.

FOTOGRAFÍA EN CURSO: A PAISAXE XEOGRÁFÍCA

A fotografía das paisaxes xeográficas permítenos analizar como as sociedades usan e transforman os recursos que atopan na naturaleza e como organizan o espazo no  que viven. 

Falamos de paisaxes con obxetos naturais e sociales propios que cada sociedade, que a partir do seu devenir, traballo e  tecnoloxía, son quen de transformar o medio natural e modelar o espazo vital e de desenvolvemento das súas actividades. 

                                              FOTOGRAFÍA EN CURSO: PAISAXES