CAMPAÑA GLORR 2015

Estamos aínda aterrizando neste inicio de novo curso académico 2015-2016 e podemos comprobar que a comunidade educativa do CPI Virxe da Cela segue a participar activamente en todas e cada unha das campañas desenvolvidas no noso centro educativo. Nesta ocasión unímonos de novo á proposta da organización Glorr, con quen xa colaboramos en anos anteriores recollendo roupa e calzado usado.

 A fase inicial, a de sensibilización, foi levada a cabo polo alumnado de 2º da ESO, visitando as aulas do colexio, repartindo bolsas para esta operación e cartas informativas ás familias co obxectivo de fomentar a implicación dos rapaces/zas e profesores/as. Para nós o importante é abrir os ollos e decatarnos de que existen grandes desigualdades sociais e que na actualidade moitas familias están atravesando unha situación crítica, e ser conscientes de que dun día para outro a nosa situación de confort e benestar pode dar un xiro de 180 graos. 

Temos por tanto que reaccionar e facer aínda que sexa un pequeno xesto, e unindo forzas tratar de cambiar esta situación. Durante varias semanas numerosas bolsas de roupa fóronse apilando na entrada da nosa escola, e finalmente os operarios de Glorr achegáronse ao noso centro para recoller nunha furgoneta todas estas prendas de roupa e calzado que farán chegar a outras persoas máis necesitadas. 

Grazas de novo pola vosa colaboración. Monferosolidario 

Crónica campaña glorr 2015 from satelite1

PROXECTO "GENIOS" NO CPI VIRXE DA CELA

A Fundación Ayuda en Acción, en colaboración con Google.org, lanza o proxecto GENIOS, que proporcionará a máis de 5000 nenos e nenas de máis de 30 centros escolares (entre eles o CPI Virxe da Cela, Monfero) as ferramentas e os medios para acceder á tecnoloxía e ao coñecemento, baseándose no feito de que brecha dixital reflicte a desigualdade de acceso ao coñecemento e ás novas tecnoloxías, e implica o risco de exclusión de quen queda fora desa innovación e, en definitiva, do futuro. 

Un día á semana durante o curso os rapaces e rapazas de 5º e 6º de primaria do noso centro mergullaranse no mundo das tecnoloxías a través dun convenio de colaboración entre a Fundación Ayuda e Acción e o CPI Virxe da Cela que se firmou por terceiro ano consecutivo.

A mañá do mércores 7 de outubro inaugurouse o programa GENIOS, tendo lugar a primeira das sesións impartidas polo instrutor Yon Penas, centrada nesta ocasión no programa Scratch e baseada na metodoloxía de Jóvenes Inventores. A través do manexo deste programa os nenos e nenas aprenderán non so os fundamentos básicos da programación informática, senón a desenvolver a súas capacidades creativas, relacionarse dun xeito construtivo coa tecnoloxía e o traballo por proxectos. 

Esta interesante iniciativa axudará ao noso alumnado a reflexionar sobre os valores relacionados coa convivencia, a resolución de conflitos a respecto, a diversidade, a cooperación, un dos obxectivos fundamentais de Ayuda en Acción.

Dado o éxito da experiencia, ampliámola a través do Club Genios, para trasladar a experiencia ao resto da Comunidade Educativa. Dentro dista iniciativa, hoxe (martes 23 de febreiro de 2016) fomos máis aló: as familias do alumnado acudiron as aulas para aprender con nós este fantástico mundo da programación. O alumnado actuou de docente, levando a cavo un obradoiro cooperativo de creatividade educativa, configurando a escola como unha comunidade de aprendizaxe. A experiencia, aportou complicidade, ilusión e a concepción da escola como un espazo compartido de aprendizaxe.

Carta yon from satelite1

No noso país, máis de catro millóns de vivendas non dispoñen de acceso a Internet, o que implica que un 25% dos fogares españois están excluídos do universo dixital –o que nos sitúa na cola de Europa-. A brecha dixital reflicte a desigualdade de acceso ao coñecemento e ás novas tecnoloxías, e implica o risco de exclusión de quen queda fora desa innovación e, en definitiva, do futuro.

 A educación en tecnoloxía desde a infancia é un catalizador de igualdade de oportunidades, esencial para o desenvolvemento social e económico da sociedade.

Neste contexto, Ayuda en Acción en colaboración con Google.org, lanza o proxecto GENIOS, que proporcionará a máis de 5000 nenos e nenas de máis de 30 centros escolares (entre eles o CPI Virxe da Cela, Monfero) as ferramentas e os medios para acceder á tecnoloxía e ao coñecemento.

En la prensa:

Diario de Ferrol
El pensamiento computacional desembarca en las aulas de Monfero: Dentro de su apuesta por la innovación y la vanguardia educativa, el CPI Plurilingüe Virxe da Cela de Monfero se ha embarcado este curso en el proyecto Genios, desarrollado con la Fundación Ayuda en Acción y Google.org.

La Voz de Galicia:

Escolares de Monfero aprenden a programar a través de Genios

El colegio de Monfero implica a los padres en proyectos de innovación

Genios info-familias from satelite1

Propuesta colegios jóvenes inventores - ayuda en acción from satelite1

CURSO DE SCRATCH PARA PROFES 

CONCURSO ESCOLAR "EN BUSCA DA IGUALDADE"

O Parlamento de Galicia convocou a V edición do concurso escolar baixo a lenda "En busca da igualdade". A finalidade do concurso é fomentar, a través dos traballos propostos polos escolares, a defensa de valores tan importantes como a igualdade e a tolerancia, a necesidade de traballar para sensibilizarse, estimular actitudes e valores de igualdade, de solidariedade e de respecto. No noso centro os/as alumnos/as de 3º e 4º de ESO realizaron dous estupendos vídeos nos que reflicten como vivimos no noso centro todos eses valores. Desde aquí queremos dar as grazas aos rapaces e rapazas de 4º de primaria pola súa colaboración na elaboración do vídeo que realizaron as alumnas de 3º da ESO. Como unha imaxe vale máis que mil palabras... invitámosvos a que o vexades. Aquí vos quedan...

CHARLA LITERARIA CON FRANCISCO CASTRO

O escritor Francisco Castro visitou o CPIP Virxe da Cela para un coloquio literario co alumnado de Monfero e Irixoa sobre tres dos seus libros: “O neno can” (do que tamén é coautora Fina Casalderrey), “Chamádeme Simbad” e “O corazón da Branca de Neve”. 

 No transcurso da actividade, o escritor vigués desvelou algunhas das claves do proceso de creación literaria e respondeu ás cuestións dos cativos e cativas da ESO sobre estas obras da súa autoría. Tamén tivo ocasión de visionar unhas curtametraxes elaboradas no colexio e inspiradas nos seus relatos. Francisco Castro declarou estar impresionado por esta iniciativa dos alumnos e felicitounos polo traballo desenvolvido a prol da promoción da lectura. Finalmente, foi obsequiado cun pequeno volume editado no centro con composicións literarias e ilustracións feitas polos nenos de Irixoa e Monfero como homenaxe a “O neno can” 

O coloquio transcorreu nun ambiente de complicidade entre o autor e os seus lectores, dada a empatía xerada por Francisco Castro dende o primeiro momento e o interese que as súas narracións espertaron entre os máis novos.

Borja martínez charla francisco castro from satelite1

BOOK TRAILERS 2015-2016 

CONCURSO DE LOGOS

1º Premio: Nerea Couceiro Gómez de 4º de ESO

Premio especial de Educación Primaria: Xiana Mosquera Varela, de 3º de EP 

Premio especial de ESO: Silvia Roca Deibe de 4º de ESO

ENTROIDO 2016

COLABORACIÓN COA UNIVERSIDADE DE LONDRIÑA (BRASIL)

O FEÍSMO

Difundimos este proxecto de investigación sobre o "Feismo" proposto polo Departamento de Ciencias Sociais do CPI Virxe da Cela. O alumnado da ESO procurou exemplos arquitectónicos nas súas propias parroquias. O "feismo" é un termo informal e ambiguo empregado para caracterizar certo estilo construtivo do meido urbano e, especialmente, do medio rural galego.

DRAGÓNS E OUTROS ANIMAIS FANTÁSTICOS

Dragal ccss 2º eso from satelite1

O alumnado de 2º da ESO elaborou na materia de Ciencias Sociais este interesante catálogo de animais fantásticos, un xeito de abordar de maneira interdisciplinar a lectura do libro "Dragal, a herdanza do dragón", de Elena Gallego Abad (Proxecto Dragal).

Poster dragal 2º eso from satelite1

Os alumnos/as de 1º e 2º da ESO fixeron papel reciclado no laboratorio que logo se utilizou para expoñer os traballos sobre a Bioloxía de Dragal, co obxectivo de participar na conservación e mellora do medio natural aplicando os principios do reciclaxe e reutilización de materiais elaborados polo propio alumnado. Departamento CCNN. BIOLOXÍA DO DRAGAL A partires da lectura de “Dragal” os alumnos/as de 1º e 2º da ESO investigaron a forma que fixera posible que un dragón real puidera xenerar lume de xeito natural, inventando características, alimentación e reprodución, dentro dunha “lóxica” . Os traballos fixéronse dixitalmente e, impresos en transparencias, expúxeronse sobre papel reciclado previamente elaborado por eles. O obxectivo principal desta actividade é promover a creatividade do alumno a partir dos seus coñecementos xerais sobre a fisioloxía animal. Departamento de CCNN.

Bioloxía do dragal from satelite1

ANIMALANDIA

As imaxes que se presentan neste espazo son unha mostra do xogo "Animalandia", elaborado polo alumnado de 1º de Educación Primaria durante o segundo e terceiro trimestre deste curso académico.

Como podedes observar, trátase dun xogo manipulativo para utilizar na aula, utilizando tarxetas con imaxes e nomes de animais. A intención deste xogo é fomentar o traballo en equipo e potenciar as destrezas de autoaprendizaxe do alumnado, e, por suposto, ir aprendendo á medida que se vai xogando, as principais características dos animais.

DICIONARIO PLURILINGÜE DAS FRAGAS DO EUME

Lucía Rielo, a profe de inglés de EI e EP, vén de realizar un interesantísimo traballo co seu alumnado de 3º e 4º de EP na propia materia de inglés: un dicionario que recolle o nome das árbores e da fauna máis comúns da contorna das Fragas do Eume.

 Cada termo exprésase en galego, castelán e inglés amais de acompañarse por unha imaxe identificativa. Como punto de partida preguntóuselle aos rapaces e rapazas que elementos coñecían da natureza das Fragas e a partires daquí iniciose a investigación. 

 Posteriormente cada alumno encargouse da procura de dous termos. Unha vez atopados, tiveron que cubrir unha plantilla: nomes nos distintos idiomas e imaxes. 

Con esta actividade tan divertida e interesante os alumnos e alumnas poderán identificar a flora e a fauna da zona a la par que avanzarán no coñecemento tanto das nosas línguas oficias como dunha lingua estranxeira.

I CONGRESO ESCOLAR “Rede Natura 2000. Escolas en Acción”

PROXECTO “GÚSTAME DE ONDE SON”. ESCOLAS EN ACCIÓN (REDE NATURA)

 Con este proxecto pretendese acadar a implicación do alumnado, do profesorado e do conxunto da comunidade educativa no deseño e desenvolvemento dunha serie de actuacións, que supoñan a posta en valor do patrimonio natural imprescindible para o desenvolvemento, tanto social, económico como cultural da contorna. Centrase este proxecto nas Fragas do Eume, que presenta unhas características singulares que forman parte da identidade cultural de tódolos veciños. 

Realizaranse actividades nas aulas que permitan identificar as peculiaridades deste espazo e outras para desenvolver no entorno familiar que permita identificar a riqueza natural, patrimonial, económica, … deste espazo natural. 

Tamén se estudan as problemáticas ambientais deste espazo e a súa repercusión no medio. 

Yolanda Castro, a nosa estupenda profe e magnifica cineasta.

Dito proxecto presentouse no Paraninfo da Coruña no I Congreso Escolar "Rede Natura 2000. Escolas en Acción", organizado pola Consellería de Medio Ambiente da Xunta de Galicia, co apoio técnico do CEIDA. A celebración deste Congreso deu a oportunidade de visibilizar os proxectos desenvolvidos durante o Curso 2014/2015 sobre a Rede Natura 2000 polos centros educativos de Galicia participantes.

FACENDO PAPEL RECICLADO

Facer  PAPEL  reciclado foi outra das nosa actividades. Así que, colaborando as tres etapas educativas, embarcámonos  na aventura e… este foi o resultado:

COÑECEMOS AS NOSAS FRAGAS

O alumnado de 4º de primaria do CPI Virxe da Cela realizou esta actividade dentro do proxecto Somos paisaxe, somos vida. Consistiu na busca de información na internet das árbores que poboan as Fragas do Eume centrándose nas características máis importantes de follas, froito e flor así como na súa utilidade para as persoas e animais que os rodean. Posteriormente elaborouse unha presentación e unha serie de actividades coa aplicación de creación de contidos Ardora. Realizándose esta actividade tratouse de acadar os seguintes obxectivos: coñecer as características máis importantes da flora da nosa contorna; elaborar diferentes materiais en lingua galega; aprender a respectar e coidar o medio que nos rodea e fomentar o emprego das novas tecnoloxías.

INFORMATIVO POSITIVO NO CPI VIRXE DA CELA

O tempo voa na nosa redacción (Laboratorio Radiofónico con Lucía Abarretegui e Sergio Pascual) e a nosa radio recibe ós redactores de 5º e 6º de primaria. Con Informativo positivo o achegámonos á figura do editor, aquel que decide qué información entra no programa e, moi importante, en que orde. Para que todo vaia ben terá que facer traballo en equipo cos redactores e productores. Neste caso por levar á contraria ós informativos convencionais, facemos un boletín cheo de novas boas: "Solidariedade para os nenos con cancro", "Na agricultura participan as mulleres", "Aínda que pareza mentira os españois reciclan", e "A riqueza das familias aumentou". 

VISITA AO MUÍÑO DE CALAZA

O 26 de febreiro de 2015 fomos coñecer un muíño que está perto do colexio e que foi restaurado recentemente polos seus donos: o muíño de Calaza. Xuntámonos no cruce do Xestal con Constantino, un veciño, e con Magdalena, nai de Laura de sexto de primaria. 

  Sen saír do punto de encontro, Constantino contounos cómo cambiou o Xestal. Antes era unha aldea na que se podía vivir sen saír dela en todo o ano. A agricultura e a gandeiría proporcionaban unha economía de subsistencia para todas as familias, e non faltaban artesáns que producían o necesario para os seus veciños: costureiras, zoqueiros, ferradores, cesteiros, había médico, veterinario…, áta había un salón no que se reunía a xuventude os fins de semana para botar uns bailes. Pouco a pouco, como en toda Galicia, a xuventude foi marchando en busca dun futuro mellor, ou iso pensaban, quedando moitas casas baleiras. Na súa cara poidemos observar como botaba en falta a vida que nun tempo rebulía na zona. 

    De camiño ó muíño, descubrimos o mal adaptados que estamos xa ó noso entorno e comprendimos a Constantino cando nos falaba dos traballos que pasaban de pequenos acompañando o gando ó monte…, nos xa non sabíamos andar polo medio dos toxos. No medio do camiño descubrimos unhas colmeas que Constantino foi visitar. Algúns dos rapaces intentaron seguilo e aprendemos que as abellas non deben ser molestadas, algo que por experiencia sabían os nosos acompañantes maiores por estar máis en contacto coa natureza.      Unha vez rematadas as explicacións do funcionamento e postos os nomes a cada peza do muíño, dispuxémonos a saír, non sen antes pedirlles ós nosos guías unha foto para a posterioridade, ó tempo que agradecíamos as súas explicacións. Unha sorpresa nos agardaba aínda. Agochado detrás da porta atópase o burro, unha especie de guindastre que servía para que unha soa persoa poidera quitar as moas do muíño e arranxalas para que moeran mellor. Foi difícil marchar de alí. Os nosos guías eran un pozo sin fondo de sabiduría e xenerosidade. O estar con eles comprobamos o dito africano: Fai falta un pobo para educar a un neno. Adeus, Manuel. 

Recollemos a túa invitación a disfrutar noutro momento do teu muiño. Moitas grazas pola túa acollida e sinxeleza. E moitas grazas tamén por restaurar e poñer a disposición de todo aquel que queira a túa propiedade. 

     Chegados ó muíño fomos recibidos por Manuel de Calaza e o seu fillo Germán… E xa empezaron as sorpresas. Esa ponte sobre a que estamos colocados, está formada sobre unha única pedra de pizarra que Manuel axudou a levar no seu momento. Con atención seguimos as explicacións de Manuel, que nos explicou o que era a maquía, unha forma de pago ó muiñeiro que consistía en dar parte da fariña que se sacaba do gran. Tamén nos demos conta do valor da “palabra”. Os clientes deixaban o saco á porta do muíño aínda que non estivera o muiñeiro e recollía a fariña ó día seguinte, tamén sen necesidade de que estivera o muiñeiro. Manuel explícanos como decidiu arranxar o muíño, poñelo de novo en pé despois de que o tempo sen uso o deixara sen teito, sen portas… Na súa cara pódese observar a ilusión de compartir cos veciños a súa propiedade, e non só cos veciños, senón con calquera que queira pasar un día de lecer baixo cuberta e rodeado de natureza. Por fin chegou o momento de ver se a restauración chegaba tamén ó mecanismo do muíño. Vimos como a forza motriz da auga, cun respecto absoluto pola natureza, era capaz de triturar o gran. Nese momento fomos conscientes de como debía ulir aquel lugar nos seus mellores momentos, xa que un lene olor era despedido polas moas ou pedras do muíño. 

LIBRO DE RECEITAS (ESO E EDUCACIÓN INFANTIL)

Libro receitas eso e infantil from satelite1

OS CONTOS QUE ESTÁN POR CONTAR

O libro imaxinario que está na mente dos rapaces de 3º e 4º do CPI Virxe da Cela de Monfero. Un libro que inda non está escrito pero que ninguén sabe se no futuro terá a súa propia edición. Unha vez máis a radio amósase como ese artiluxo que xera maxia e todos sabemos que os rapaces devecen pola maxia.

A bañarse



A princesa que soñaba con ser princesa: As voces destes meniños de 1º de primaria dan luz a este conto dunha princesa que soñaba con ser princesa. 

Un mundo sen papel: É posible que no futuro desapareza o papel? Onde debuxarán os nenos? Tiraranse ao lixo os libros? Ninguén escribirá a man? As solucións atoparédelas neste conto dos alumnos/as de 3º e 4º de Primaria. 




Pedriño e os animaliños: Recreando o conto de Pedriño e os animaliños, por parte do alumnado de 2º de Primaria. 

Vivan o can e o gato: Os rapaces e rapazas de 2º de primaria do CPI Virxe da Cela deixan voar a súa imaxinación e para elo fan un conto chamado "Viva o can e o gato". O conto dos Xogos Olímpicos: Os rapaces de 1º do CPI Virxe da Cela nos contan un conto pero, un momento, ¿non eran os maiores os que contaban contos para que os nenos durmisen? aquí cambia a historia, os nenos contan contos ós maiores para que esperten. 

QUE É? O XOGO DAS DEFINICIÓNS

A radio chega a Monfero, á súa escola porque a radio non ten cancelas, non ten idades...só require da voz e da naturalidade da que estes meniños van cheos. Visión dos rapaces de primaria do CPI Virxe da Cela. Definicións puras e auténticas, a base de inxeniosas e inocentes respostas.

Que é a Operación Pokemon: 5º e 6º de Primaria: 



Que é un político? 1º e 2º de Primaria: 

Que é un rei? 1º e 2º de Primaria:
 

Que é unha mesa? 1º e 2º de Primaria:




Que é internet? 1º e 2º de Primaria:




Que é o que máis lle gusta aos rapaces de 1º e 2º do CPI Virxe da Cela? Contan neste audio como son, que lles gusta, que queren, ser...