" A nosa paisaxe, a nosa vida" na Facultade de Formación do Profesorado

Estupenda experiencia a vivida polo alumnado do 3º ciclo do CPI Virxe da Cela na Facultade de Formación do Profesorado da USC (Campus de Lugo). Invitados por Marta Poncet Souto (Coordinadora da Titulación  de Grao de Educación Primaria en dita Facultade) e por Rufino  González Fernández (Subdirector da Facultade Universitaria de Formación del Profesorado do Campus de Lugo, USC) presentaron o proxecto no marco das materias  de Socioloxía da Educación e Didáctica e Tarefas Docentes ao alumnado do Grao de Ed. Primaria.  

Foi unha forma de dar a coñecer as prácticas metodolóxicas do centro, a nosa configuración como paisaxe cultural e como non, poñer en práctica as nosas habilidades como comunicadoras e comunicadores. 

Tamén sinalar a repercusión que esta actividade tivo nos medios de comunicación. Destacamos a reportaxe publicada polo xornal "El Progreso", e que incluímos na seguinte imaxe. 

   

                                      elprogreso.galiciae.com  

"A nosa paisaxe, a nosa vida" na revista "Escuela - Acción"

A revista  "Escuela - Acción" do grupo de investigación educativa da Facultade de Formación do Profesorado de Lugo (USC) "Escuela - Acción" ven de publicar no seu segundo número un artigo sobre a experiencia realizada polo CPI Virxe da Cela ao abeiro do Plan Proxecta, na modalidade "12 meses 12 paisaxes". 

Agradecemos o seu interese.

Podedes coñecer a publicación e a colaborar coa mesma seguindo o enlace da imaxe.

A experiencia

A nosa paisaxe Plan proxecta

Publish at Calameo or read more publications.

1º PREMIO 12 MESES 12 PAISAXES

Agradecidos continuamos coa nosa andaina.

SOMOS PAISAXE: SOMOS VIDA

Comezamos un novo curso e seguimos a nosa anadina. 

Quen somos?

Somos paixase, somos vida, somos pensamento.

TRIVIAL DA NATUREZA

                                                                                              Material autoeditado

Xogo de mesa estilo Trivial que consta dun taboleiro de xogo de gran dimensión cun amplo abano de cuestións, en cuxa redacción participaron diferentes membros da comunidade educativa (alumnado, familias e profesorado). 

Ademais de  tratar temas relacionados coas diferentes áreas e materias, inclúe aspectos relacionados coa valoración do medio natural e cultural da comarca, educación en valores e atención á diversidade.

O deseño do taboleiro de xogo parte do alumnado de 5º de educación primaria.

Mosteiro de Monfero: unha visita imprescindible.

Pensemos nun lugar de gran beleza, onde a natureza e o home están en total  sintonía, pois seguramente alí poderiamos atopar un mosteiro . Iso é o que acontece en Monfero, que conta cunha das xoias patrimoniais da nosa Comunidade: o “Mosteiro de Monfero”.

Coñecelo e o primeiro paso para valóralo, ao tempo que valoramos a nosa identidade cultural.

Este é o principal obxectivo desta saída. O alumnado de 2º e 3º ciclo de educación primaria gozaron del e da súa fermosa e triste historia (dado que na actualidade ten perdido moito do seu esplendor) grazas a visita guiada organizada en colaboración co Concello (o cal, agradecemos a súa colaboración).

Con ela puidemos trasladarnos 500 anos atrás e imaxinarnos unha vida sen comodidades, de moito traballo e esforzo colectivo. Igualmente comprendemos que a nosa paisaxe non é algo inalterable, que cambia co transcorrer dos anos influenciada polos usos e costumes dos homes e mulleres que nela conviven e que resulta imprescindible tomar conciencia do uso que dela facemos.

Si queredes podedes visualizar este vídeo de GALICIAMAXICA.EU e recordar esta estupenda visita.

 

O Magosto: tempo de castañas, tempo de festa: tempo de natureza.

Xogos, xoguetes e brinquedos da nosa comarca

Os xogos, xoguetes e brinquedos tradicionais están intimamente relacionados co medio natural, ben porque precisan del para o seu desenvolvemento (espazos e recursos), ben porque transmiten valores educativos de primeira orde (valoración, coidado, respecto…).  

Igualmente os xogos tradicionais permiten integrar dunha forma lúdica e construtiva as aprendizaxes persoais e son espazo propicio para a construción de actitudes e valores de compañeirismo, solidariedade e respecto cara o medio, o tempo que facilitan o contacto real co mundo natural e o desenvolvemento dun sentimento de pertenza ao mesmo, namentres permiten transformar a natureza de forma consciente en actividade lúdica.

En definitiva, coa sua recollida e desenvolvemento quixemos dinamizar o tempo de lecer a partir do patrimonio lúdico galego integrando valores ambientais de primeira orde.

Xogos, xoguetes e brinquedos da nosa comarca from Camino

Eco- clases

Actividade colaborativa na que quixemos desenvolver  actitudes e hábitos de consumo responsable e de respecto cara os recursos do medio e desenvolver un espírito crítico e a conciencia cidadá solidaria. 

Participarón aulas do 2º e 3º ciclo de Ed. Primaria, establecendo eco- clases, entendidas como un espazo de consumo responsable, onde os materiais educativos son reutilizados e aproveitados na súa totalidade (cadernos, material funxible, curricular…) con lugar para a selección e recollida de materiais de desfeito (cartón, plástico, material orgánico, envases, pilas e tinta de impresoras, CD, así como a recollida de tapóns de plástico e de roupa para fines sociais). Igualmente organizouse unha feira do libro.

A decoración da aula reflexa estas actuación, cun decálogo de actitudes que acompañado da mascota creada para representar a actividade e que xa se pode observar na porta de entrada.

As fragas do eume: un ecosistema singular

Unidade didáctica para o 2º e 3º ciclo de Ed. Primaria sobre "os seres vivos, punto de comezo dun proxecto interdisciplinar desenvolto ao longo do curso centrado nas singularidades patrimoniais da nosa comarca e realizada a partir da formación específica para o profesorado do proxecto ABALAR.

As fragas do eume un ecosistema singular from Camino

A horta máxica

A historia que a continuación presentamos  representa perfectamente a importancia da paisaxe na vida cotiá do alumnado. No momento de crear unha historia, a paisaxe que nela mostran, esta intimamente relacionada co medio no que nos desenvolvemos e as relacións amosadas teñen valores propios do mesmo.

A narración dos feitos foi realizada por Laura Vila Picallo e as ilustracións por Aldara Pita Pico.

Ambas representan o espírito de superación e de colaboración, a capacidade de aprender a aprender e a autonomía e iniciativa persoal que impregnan todas as nosas actuacións.

Ahortamxica from Camino

A gastronomía, parte da cultura dos pobos

A gastronomía forma parte do patrimonio cultural  “in”tanxible dos pobos. Non só cobre unha necesidade biolóxica, senón que tamén representa a paisaxe como recurso.

Igualmente, configúrase como elemento diferenciador dun estilo de vida que perdura de xeración en xeración sen necesidade de transcribirse.

Cociña diaria e cociña festiva, que une xentes, palabras e feitos e que desde a clase de 5º curso de Primaria queremos homenaxear coas receitas que as  nosas familias foron atesourando en lumes e fogóns.

Anosagastronomía from Camino

Traballo da aula de 5º curso de Ed. Primaria do CPI Virxe da Cela sobre a gastronomía da nosa Comarca elaborado coa colaboración das familias.

LUME NAS FRAGAS

O ano pasado arderon as Fragas do Eume. Xa fai un ano que pasou e non podemos deixar de recordalo neste blog no que a paisaxe é o centro de todo. No mes de abril do pasado curso fixemos unha actividade para reflexionar sobre este grave problema que sufre Galicia. a actividade titulábase: NON QUEIMES O TEU FUTURO.

Así se plantexou dita actividade:

Os seguintes fragmentos son frases que se puideron escoitar nas conversas das xentes os días pasados cando arderon as Fragas do Eume.

 Escolle dúas ben por ser opostas ou por complementariedade. Logo debuxa unha viñeta na que aparezan dúas personaxes cas frases escollidas. Se queres expoñer outras opinións que non estean aquí, podes engadir frases.

 Por último xuntaremos todas as viñetas feitas por cada un e expoñerémolas co obxecto de  facer unha reflexión sobre o problema dos incendios.

• Con este tempo está todo moi seco e arde como a pólvora
• Cada ano chove menos e con isto do lume aínda será peor.
• Un rompe o lombo para ter limpo o seu e resulta que non vale para nada.
• Se prohibisen mercar madeira queimada xa verías como se acababa co lume.
• Tiña que haber mais medios para loitar contra o lume.
• Cada un deberiamos de limpar o noso.
• Isto é unha ruína para a caza..
• Calquera descoido, dunha cabicha, botellas ou fogueira mal apagada pode ser nefasta.
• Se estivese todo limpo non ardería.
• O lume póñeno os cazadores.
• Se chovese non habería tanto lume.
• O lume póñeno os da madeira para mercala regalada.
• Andalucía é máis seca ca nós e non arde tanto.
• O lume só non se estende tanto, isto é cousa dun pirómano.
• As terras están abandonadas por non poder vivir delas.
• Tiña que haber máis axudas para coidar o monte.

A continuación podedes ver algunhas de aquelas viñetas: 

Tamén na revista do noso centro (Xesteira) se publicou esta crónica:

No periódico "La Voz de Galicia" publicáronse algunhas viñetas que nos serviron de exemplo: 

As nosas plantas medicinais

                                 Material autoeditado

A riqueza natural da nosa paisaxe é impresionante.

As Fragas do Eume son un ecosistema único que impregnan orixinalidade e beleza a toda a nosa comarca.

A súa gran biodiversidade manifestase particularmente no que respecta á flora. 

E precisamente dela nos ímos a ocupar nesta actividade.

Si viaxaramos no tempo comprobariamos como as plantas son parte fundamental da evolución humana. Ademais de ser sustento alimentario, cos coñecementos tradicionais fóronse convertendo en recursos curadores que co saber das xeracións e coa verificación científica hoxe en día son a base dos medicamentos modernos.

É e aquí onde comeza a nosa proposta, indagar sobre as plantas medicinais que forman parte da nosa contorna e que foron utilizadas para curar diferentes doenzas antes de estenderse o uso de fármacos. Igualmente non esqueceremos o seu uso culinario.
Pica na imaxe e goza da ledicia de aprender.

Fragas do Eume, Fauna

 Natureza, cultura e vida entrelázanse nas nosas fragas. Coñece a  súa fauna identificando as especies máis características.

Os ecosistemas

Con esta webquest aprenderemos que é un ecosistema, as súas características xerais e as relacións que nel se establecen. Ademais coñeceremos os ecosistemas terrestres e acuáticos mais importantes.

Pica na imaxe e preparate para investigar.

As Fragas do Eume

"Cando Deus creou os ríos, mandou nacer tres xuntos na Serra do Xistral.

Aínda que as fontes manan do mesmo lugar, foron abocados cara a distintas

ladeiras e recibiron a promesa de que cada ano tería un home aquel que

primeiro chegase ó mar. Deulles categorías divinas e chamoulles, con

resonancias gregas, Eume ó da rampla de poñente, que debía fertiliza-la terra

das Pontes; Landro ó da vertente norte, que tería que fecunda-las carballeiras

e facerlles producir landras; e Masma ó da faldra de raiante, que crearía coa

súa chegada ó mar as marismas. Xusto despois de naceren, acordaron

descansar un pouco no camiño, pacto que só cumpriu o Eume. Ó decatarse

da traizón dos compañeiros, enfurecido, acelerou a súa marcha pola Capela

e Caaveiro, e logrou chegar primeiro. 

Por iso tódolos anos afoga unha persoa

nas súas augas".

Lenda recollida por José Varela.

O río Eume continuou mantendo a súa forza, desenvolvéndose ao seu paso un ecosistema único que impregna orixinalidade e beleza a toda a comarca.

Esta problemática ímola establecer como punto de partida do proxecto “ A nosa vida: a nosa paisaxe”, que sen querer pecar de ambiciosa, quere configurarse como elemento de apropiación identitaria das novas xeración cara á riqueza cultural e natural do noso contorno.

Polo tanto, a primeira proposta consensuada consistirá en realizar unha catalogación dos bens naturais e culturais máis significativos das Fragas do Eume e da súa contorna. 

Para elo establecemos elaborar un mapa colaborativo (Google Maps) entre o alumnado e o profesorado.

Aquí esta o seu punto de partida e as instrucións para a súa configuración.

Ver A miña

Título:  A miña paisaxe: a miña vida

Presentación:

Partimos da necesidade de coñecer o medio que nos rodea como primeiro paso para comprendelo e valoralo, ao tempo que identificamos e valoramos a nosa identidade cultural a través das manifestacións culturais que supoñen un nexo de unión significativo co patrimonio natural.

Nivel educativo:  EDUCACIÓN PRIMARIA E SECUNDARIA

Tarefa:

Localizar os elementos do patrimonio natural e cultural da nosa contorna nun mapa utilizando Google Maps e dialogar sobre a súa importancia na configuración social e cultural da nosa comarca.

Obxectivos:

•    Identificar e valorar o patrimonio cultural e natural da nosa contorna.
•    Descubrir a riqueza patrimonial da nosa comarca e realizar unha apropiación simbólica da mesma.
•    Relacionar a difusión da identidade cultural coa competencia no  tratamento da información e competencia dixital.
•    Identificar as achegas das diferentes xeracións ao establecemento dunha identidade social, económica e cultural propiá.

Desenvolvemento:

1º- Dada á dirección do mapa:

https://maps.google.es/maps/ms?msid=206944321511229371360.0004d57589289f361786e&msa=0&ll=43.359917,-8.018984&spn=0.138786,0.308647&iwloc=0004d57777d7ca112d056

2º- Elaborar grupos de 3- 4 discentes, que tratarán de situar no mapa a localización de lugares de interese patrimonial (natural e patrimonial) da comarca das Fragas do Eume, incluíndo marcadores que indiquen:

•     Nome do elemento patrimonial.
•     Imaxe representativa.
•     Enlace a dirección web que nos permita ampliar o coñecemento das peculiaridades do ben seleccionado.

Recursos:

Enlaces a recurso web que nos permitirán afondar na riqueza patrimonial da comarca:

http://www.medioruralemar.xunta.es/es/areas/conservacion/espacios_protegidos/red_gallega/parque_natural/fragas_do_eume/

http://www.galiciamaxica.eu/Sitios/A%20CORUNA/monfero/monfero.html

http://www.edu.xunta.es/centros/cpivirxedacelamonfero/

http://www.eumeturismo.org/esp/intro1.html

  

https://maps.google.es/maps?q=rutas+fragas+do+eume&hl=gl&sll=43.45002,-7.842684&sspn=0.009331,0.01929&t=w&hq=rutas+fragas+do&hnear=Eume,+Galicia&z=10&iwloc=A

Criterios de avaliación:

è Identificación e valoración dos elementos patrimoniais da nosa contorna.

è Situación do marcador: precisión, exactitude e posición do marcador.

è Calidade da información aportada de en cada marcador.

è Actitude ante a actividade e pautas de colaboración entre iguais.

Proposta de continuidade

A partir desta actividade elaboraremos una ruta de sendeirismo que partirá do noso centro educativo.

A tarefa e a gozar!