"A vaquiña polo que vale": presentación ao alumnado

O martes 29 de novembro tiveron lugar dous actos dentro do proxecto de Educación para o desenvolvemento e cidadanía global,que leva a cabo o noso centro xunto a UDC. 

•   De 15:30 a 15:45 no salón de usos múltiples presentouse ao alumnado de secundaria e 4º,5º e 6º de primaria dito proxecto por parte de membros da UDC 
•  De 15:45 a 16:30 Reunión co profesorado participante no proxecto para facer a proposta definitiva de actividades e calendario.

OBRADOIRO RCP

A intervención rápida ante unha parada cardio-respiratoria é vital para que os equipos de emerxencia poidan actuar e salvar vidas. Por esta razón, o pasado 15 de novembro, organizouse desde o departamento de orientación e educación física, en colaboración co CHUAC unha charla dirixida a todo o alumnado da ESO e 5º e 6º de educación primaria, dentro do “Programa de Divulgación en Doazón e Transplantes”
Na primeira sesión, impartida por Alejandro, enfermeiro do CHUAC, vimos os aspectos básicos da Doazón de órganos e tecidos.
Na segunda sesión, Fernando, médico da UCI, despois das pautas básicas teóricas sobre a RCP (Reanimación Cardiopulmonar) ensinou ao alumnado a realizar a maniobra de forma práctica.
Toda unha experiencia que repetiremos coa formación básica para alumnado e profesorado dentro do Plan deportivo de centro.

Valoramos o medio natural: chegou o gran día!!!!

O CPI Virxe da Cela segue apostando pola radio como unha ferramenta para mellorar as habilidades comunicativas do alumnado, incentivar a creatividade e aprender. Este é o primeiro conto do alumnado de 1º de primaria. O seu primeiro encontro co micro.

Preme na imaxe para escoitalo

http://www.ivoox.com/chegou-fin-o-gran-dia-audios-mp3_rf_13855831_1.html

I Xornadas de Anpas Galegas no rural

O 19 de novembro a Confederación de Anpas Galegas realizou no Courel a “I Xornada de Anpas Galegas no rural. O ensino, integrador do desenvolvemento”, un encontro que serviu de plataforma para o debate e o intercambio de experiencias e a procura de solucións para os problemas actuais da sociedade no rural galego, alimentando a visión desde a escola e a educación.

Durante a xornada contaron con doce palestras que abarcaron temáticas diversas, unha delas específica de educación. Alí estivemos representados pola directora do centro.

"A Vaquiña polo que vale": UNHA CLASE MOI ESPECIAL NA FACULTADE DE FORMACIÓN DO PROFESORADO DE LUGO

Unha clase moi especial na Facultade de Formación do Profesorado de Lugo. Alumnado do CPI Plurilingüe Virxe da Cela (Monfero) impartirá unha clase ao alumnado de primeiro curso do Grao en Mestre/a de Educación Primaria. Nenos e nenos de 5º e 6º de Primaria, explicará aos futuros mestres/as como se traballa na seu colexio empregando metodoloxías innovadoras que permiten conectar aprendizaxe e realidade a favor dun desenvolvemento sostible do rural galego. 

A experiencia que presentarán concrétase nunha campaña de posta en valor do medio rural galego que aglutina un conxunto de actuacións a prol da identificación, valoración e enfrontamento a situacións problemáticas que o configuran dende unha perspectiva activa e resolutiva que é quen de aglutinar o esforzo comunitario. O nexo de unión é a Asociación Infantil e Xuvenil “Soño rural” creada polo alumnado do centro, sendo a encargada de dinamizar e difundir estas actuacións, tarefa que realizarán na Facultade. Neste curso escolar o proxecto deseñado ten por nome "A vaquiña polo que vale", sendo hoxe o alumnado o encargado de presentalo

Destacar que esta experiencia forma parte dos proxectos “Somos paisaxe, somos vida” e de “Monfero Solidario” que desenvolve o Centro educativo e que conta cun gran recoñecemento institucional, sendo o primeiro premiado en varias ocasións dentro do Plan Proxecta, tanto pola Consellaría de Cultura Educación e Orientación Universitaria como pola Consellaría do Medio Rural e Monfero Solidario galardoado co Premio Nacional Vicente Ferrer de Educación al Desarrollo. Un proxecto que ademáis contou co respaldo da Dirección Xeral de Voluntariado pola súa capacidade de entender a aprendizaxe como un servizo á comunidade. 

O encontro, impulsado pola profesora de Socioloxía da Educación, Marta Poncet e pola directora do CPI Plurilingüe Virxe da Cela, Camino Pereiro (antigua alumna da Facultade), se encadra dentro do espírito de esforzo compartido en prol da calidade do ensino en todas as súas vertentes.

Unha clase moi especial na facultade de formación do profesorado de lugo de satelite1

Os nosos estiramentos

Froito dos resultados DAFIS xunto co alumnado de 5º de Educación Primaria decidimos elaborar unha proposta de estiramentos para mellorar a nosa flexibilidade. Ésta foi a nosa selección:

                                                    Bíceps braquial

                  Adutores                                                               Psoas ilíaco

                                                            Tríceps

                       Lumbares                                                            Xemelgo

                                                     Cuadríceps

                   Piramidal                                                                                              Abdome

                  Glúteo                                                                                                    Dorsal ancho

                                                               Pectoral





                     Deltoide

XOGADE

Proba de Campo a Través en Miño – Curso 2015/16

O pasado 10 de decembro de 2015 celebrouse a fase comarcal de Campo a Través en Miño. Esta é unha actividade organizada pola Secretaría Xeral para o Deporte dentro do programa Xogade (xogos galegos deportivos en idade escolar).

O máis importante foi a plena participación do noso alumnado de Educación Primaria que gozou dunha práctica deportiva, educativa e saudable cunha gran tradición histórica en Galicia.

Este ano conseguimos 3 medallas: Pablo Rodríguez Fernández 2º na categoría de Benxamín Masculino, Marta Fernández Sanjuán 2ª na categoría de Alevín Feminino e Álex Couceiro Gómez 3º na categoría de Infantil Masculino.

O alumnado de 1º participou este ano en calidade de espectadoras e espectadores animando en todo momento e o ano que ven os veremos en acción.

                                                   Sen dúbida, pasámolo moi ben.

O alumnado de 5º de Educación Primaria decidiu indagar un pouco máis sobre esta modalidade deportiva (descubrindo a súa orixe, contándonos as súas vivencias…) e tamén investigaron sobre os alimentos e a importancia da pirámide alimenticia como hábitos de vida saudables. Estos foron os seus traballos.

DAFIS

DAFIS – DATOS DA ACTIVIDADE FÍSICA PARA A SAÚDE

Este curso participamos por segunda vez en DAFIS (Datos sobre a Valoración da Condición Física Saudable), enmarcado no Plan Galicia Saudable da Xunta de Galicia e coordinado pola Secretaría Xeral para o Deporte.

Este programa aparece para facilitarnos aos profesores a valoración da condición física dos nosos alumnos e no noso CPI estamos a desenvolvelo dentro do Plan Proxecta. Os protocolos de valoración pretenden medir aquelas cualidades físicas e psicomotoras que está demostrado científicamente que gardan relación coa saúde (forza, resistencia, flexibilidade, axilidade-velocidade) e permite coñecer en qué estado físico se atopa un alumno para decidir cales son os aspectos que necesitan mellorar e cales non. Esta valoración é fundamental para coñecer e facer un seguemento dos seus valores de condición física, a partir dos cales poder deseñar actuacións adaptadas ás súas necesidades.

A continuación publicamos un documento no que aparecen os resultados por idade e sexo en cada unha das probas físicas e no IMC. As cores verdes indican que os valores se corresponden cunha condición física saudable e as cores vermellas nos avisan que debemos mellorar nesas cualidades físicas. En cada unha das probas podemos comparar tamén os resultados coa mediana en Galicia.

En xeral, estamos moi contentos cos resultados obtidos polo noso alumnado. Pódese observar unha mellora en relación o curso pasado e vos animamos a seguir practicando actividade física e deportiva. Noraboa rapazas e rapaces do Xestal!!!

Móvete: Actividade de 1º de Primaria

Porque a natureza forma parte de nós o alumnado de 1º de educación primaria fixemos un estudo dos animais das Fragas do Eume e da súa flora e unha reflexión sobre a importancia das fragas para o ser humano e dos problemas que presentan actualmente.

Móvete: Actividade 2º de Primaria

Os nenos e nenas de 2º defendemos o rural porque vivimos a nosa lingua e as nosas tradicións. Moitas veces o que temos máis preto é o máis descoñecido. É primordial non perder as nosas tradicións ancestrais. As nosas festas, usos, costumes…  forman parte da nosa vida. Por isto estivemos a traballar o hórreo, o carro, o arado, a lareira e o cruceiro así como as romerías e festas da nosa contorna.

Móvete: Actividade da ESO

O rural, 3º eso virxedacela from satelite1

Aquí vos deixamos a colaboración de 3º da ESO para o proxecto "Móvete", que se está levando a cabo no CPI Virxe da Cela coa intención de "revalorar o noso rural". É unha especie de decálogo recollendo certos aspectos que caracterizan tanto ao rural como ás personas que nel habitan. Cremos que valorar o que temos é o primeiro paso para protexelo e garantilo para as futuras xeracións.  

Móvete: Actividade de Relixión católica

O alumnado de 5º e 6º de Primaria na materia de Reli, coa colaboración dalgúns compañeiros e compañeiras da ESO, realizaron un proxecto documental a través do cal amósannos as súas parroquias. Neste traballo investigaron, sacaron fotografías... Aquí podedes ver o resultado.

Movie Maker: PARROQUIAS DE MONFERO E IRIXOA - Diapositivas

Galicia, Literatura e Auga

Para a celebración das letras galegas fixemos un traballo que unifica paisaxe e literatura. Aproveitamos a convocatoria do concurso de "La Voz de Galicia" para sacar as cámaras na nosa contorna buscando algún motivo no que a auga fora a protagonista, ao mesmo tempo o alumnado tiña que poder relacionar a imaxe con algunha obra de relevancia da literatura galega. Este é o resultado dalgúns dos traballos presentados:

APRENDO PROGRAMANDO

Programar con Scratch

Aquí tedes os nosos produtos finais (5º e 6º)

CAMIÑO DE SANTIAGO

Cristina Vázquez Varela Marta Fernández Sanjuan

Clara Brage Amado Rubén Fraga Tizón
 Cristina Vázquez Varela
 Marta Fernández Sanjuan
Nerea Fernández Rodríguez Y Sonia Bouza Rivas
Daniela Pereira Ibañez Andrea Rivera Andrade Diego Golpe
 Ariadna Díaz Tondo Daniel Pena Bonome Alex Couceiro Gómez Ruben Rodríguez Fernández Cristian Sanjurjo Abeal Lucia López Regueiro Leonor Vázquez Veira

MÓVETE: PRESENTACIÓN DA ACCIÓN SOLIDARIA

O 15 de abril fomos a Santiago a presentar o noso proxecto de acción solidaria centrado na revalorización do rural. O alumnado de 5º de EP foi o responsable de expoñer o traballo realizado polo alumnado de todo o cole, dende infantil ata secundaria.

Ademais tivemos ocasión de compartir xunto con outros dous centros de Galiza unha xornada inesquecible, con xogos, música e, como non, accións solidarias.

Móvete - Kizoa Editar Videos - Movie Maker

MÓVETE: PLENO NO CONCELLO DE IRIXOA

O alumnado de 5º e 6º de EP, como xa sabedes, fomos o 30 de marzo ao Concello de Irixoa a presentar unha moción en defensa do rural. Compartimos aquí un pequeno vídeo da nosa lectura.

MÓVETE: AGRICULTURA ECOLÓXICA

O alumnado de 3º e 4º de primaria dentro do proxecto de defensa do rural decidimos centrarnos no aproveitamento do rural dende unha perspectiva ecolóxica: agricultura ecolóxica, uso de enerxías limpas,...

Para coñecer algo máis sobre agricultura ecolóxica estivemos moi atent@s á charla que veu a darnos ao cole Dolores Porto, a nai dunha compañeira que posúe unha granxa ecolóxica. Dolores explicounos en que consistía a agricultura ecolóxica, como se acreditan os produtos ecolóxicos,... e diferentes cuestións que lle fomos plantexando.

Deixamos aquí un pequeno vídeo para que poidades ver todo o que aprendemos con ela.

PROXECTO MÓVETE: XA TEMOS LOGO!

Durante a última semana de marzo eleximos o logo co lema que representará o noso Proxecto Móvete.

De todos os participantes, dez foron os finalistas, pero tan só un foi o gañador…

Moitísimas grazas a todos e a todas por participar!

Nótase que no Virxe da Cela movémonos polo rural!