Visita do alumnado de 3º e 4º ás covas do Rei Cintolo en Mondoñedo

O día 26 de setembro o alumnado de 3º e 4º da ESO visitaron a localidade de Mondoñedo. Dita visita tiña como obxectivo coñecer un das paisaxes máis peculiares do territorio galego, como é unha das pequenas franxas de terreo calcáreo que temos na nosa comunidade. Este tipo de terreo ten a peculiaridade de ser facilmente erosionado pola auga formando cavidades subterráneas e outro tipo de formacións características que en conxunto denomínase paisaxe cárstico.

Así o alumnado realizou unha actividade de espeleoloxía percorrendo durante hora e media aproximadamente 400 m dos 7km que ten a cova. Durante a visita puideron observar diferentes formacións típicas deste tipo de relevo como estalactitas e estalagmitas, así como percorrer galerías, túneles e observar un pequeno lago subterráneo.

Ademais a xornada aproveitouse para visitar a localidade de Mondoñedo, antiga capital de provincia de Galicia, onde puidemos valorar o seu extenso patrimonio arquitectónico e histórico, entre o que cabe destacar a súa catedral.