26 de xuño de 2015
DECORACIÓN DE NADAL
Aquí podedes ver un exemplo de decoración do Nadal feita con materiais reciclados e de refugallo:
Traemos a vida á escola
A clase de 6º de EP despois de visitar o muíño de Calaza, despois de coñecer o “burro” sentiu a necesidade de buscar nas casas aqueles aparellos, que hoxe en día xa quedaron obsoletos e que moitas veces nos resultan xa descoñecidos, incluso non sabemos xa o seu nome.
Así os rapaces de quinto e sexto nos fomos de “caza” fotográfica… parte das nosas adquisicións se atopan nas diapositivas que seguen.
Así os rapaces de quinto e sexto nos fomos de “caza” fotográfica… parte das nosas adquisicións se atopan nas diapositivas que seguen.
ENERXÍAS RENOVABLES
Os rapaces de 6º de EP xunto coa súa profesora Carmen Espiñeira fixeron un traballo de investigación dos recursos enerxéticos do seu contorno e avaliando que aínda que se trate de enerxías renovables como a hidroeléctrica ou a solar tamén deixa un inpacto sobre a natureza.
25 de xuño de 2015
MUÍÑO DE CALAZA
Os alumnos de 5º e 6º de Educación Primaria fixeron unha saída para visitar este lugar do noso patrimonio. Aquí tedes un resumo desta visita e moitas outras cousas de interese:
XOGOS POPULARES
Na materia de Educación Física de 1º de ESO traballaron este ano recollendo a tradición da comarca no que se refire aos xogos populares. Aquí podedes ver algúns dos traballos feitos polos alumnos:
BANDA DESEÑADA E PAISAXE
No marco do Proxecto Interdisciplinar do curso 2014-2015, algúns alumnos de 1º da ESO elaboraron bandas deseñadas utilizando como tema o desenvolvemento sostible, e o coidado da paisaxe e do medio ambiente.
14 de xuño de 2015
ANIMALANDIA
Animalandia é un xogo realizado
polo alumnado de 1º EP xunto coa súa profesora Marisol, co que ademais de divertirse poden aprender distintos aspectos da natureza:
6 de xuño de 2015
ESenRED: Nos escriben... delegados y delegadas gallegas
ESenRED: Nos escriben... delegados y delegadas gallegas: Hola, soy Marta Novo, profesora del CPI Virxe da Cela de Monfero. Nuestro centro participó en la Confint y quería enviaros comentarios que...
4 de xuño de 2015
CREAMOS OS NOSOS XOGOS
O alumnado
de Primaria sabe que é o que hai que facer para non malgastar os recursos dos
que dispoñemos, por iso, reutilizamos algúns materias que xa non usábamos, e os
aproveitamos para crear xogos, dándolle un novo uso a algo que ía rematar no
lixo. Xurdiron moitas ideas, eiqui tedes unha mostra das nosas creaccions. Este
proxecto nos ensinou que podemoes reutilizar obxectos para darlle outro uso
distinto. Lucía Trillo (mestra educación física primaria).
2 de xuño de 2015
CELEBRACIÓN DAS LETRAS GALEGAS E DOS MAIOS
A natureza está intimamente relacionada cos usos e costumes da nosa comarca. Debemos ser quen de darlle a
importancia e relevancia que merece, e esta é a nosa intención con esta xornada na que colaborou o conxunto da Comunidade educativa.
Fai case unha década o departamento de música do CPI Virxe da Cela comezou a rescatar a tradición dos Maios, e a día de hoxe pode dicirse que esta festa de carácter popular está totalmente arraigada entre o noso alumnado. Con varias semanas de antelación os rapaces e rapazas preparan con moito entusiasmo e motivación unha serie de cancións e danzas para interpretar nunha xornada especial, este ano celebrada o venres 22 de maio. Aproveitamos a ocasión para facer unha merecida homenaxe a Filgueira Valverde, “O vello profesor”, figura a quen se dedicou as Letras Galegas 2015, así como a outros escritores que utilizaron a lingua galega como vehículo de expresión do seu pensar e sentir.
Dando inicio á gala, o alumnado de 1º EP fixo unha lectura da fermosa poesía “Adeus ríos, adeus fontes” da nosa grande poetisa Rosalía de Castro. Acto seguido os máis pequerrechos, os nenos e nenas de infantil, cantaron e bailaron “A saia da Carolina”. Parabéns ás súas mestras Isabel e Lucía, que fixeron unha importantísima labor ensaiando aos seus alumnos/as e elaborando tan fantástico vestiario, con lagarto incluído! E tamén felicitar ao alumnado da ESO pola súa interpretación coas frautas e a percusión… incluso contamos coa presenza dunha fermosa gaiteira engalanada coa vestimenta tradicional (Erea, 4º da ESO), que tocou os primeiros compases de tan coñecida melodía.
A continuación os nenos/as de 2º EP fixeron a lectura de “O Maio”, de Curros Enríquez. O seguinte número musical consistiu nunha danza de orixe ancestral, a “Danza de Paus”, executada conxuntamente polo alumnado de 5º EP e 2º ESO. Unha nova lectura, “Verso e Prosa” de Rosalía de Castro, a cargo do alumnado de 4º de EP antecede a outros números coreográficos: unha muiñeira bailada polas rapazas de 3º da ESO (coa colaboración especial de Lucía, a profe de educación física de primaria) e outra danza moi antiga, o “Baile das fintas”, interpretada polo alumnado de 3º e 4º da ESO.
Xa finalizando o festival, un rapaz e unha rapaza de 6º EP poñen en práctica con moita retranca “A Regueifa”, e como broche final todo o alumnado da ESO interpreta “O Caneco”, que co seu ritmo pegadizo convida a terminar a festa bailando.
Para dar clausura a esta gala “Letras Galegas e Maios 2015” faise entrega dos premios do concurso “O Preguntón”, organizado pola biblioteca escolar.
Verónica Dopico (Departamento de música)
1 de xuño de 2015
Actuación artística: "A árbore das cores"
Intervención imaxinativa que pretende ser quen de reforzar a
singularidade do patio escolar que conta cun importante abano de especies arbóreas.
A intervención consistiu en decorar CDs de desfeito e con eles resaltar as
arbores coas que contamos, empregándoas como espazo expositivo.
Foron decorados polo alumnado de 6º de Ed. Primaria e polo alumnado de ESO.
Gústavos?
20 de maio de 2015
23 DE ABRIL: DÍA DO LIBRO
O 23 de abril de 1616 foi data do falecemento de dúas grandes figuras da literatura mundial: o español Miguel de Cervantes e o británico William Shakespeare. Esta data foi elixidas para celebrar o Día Internacional do Libro, unha conmemoración internacional promovida pola UNESCO desde o ano 1995. Tamén se supón o 23 de abril como o día da morte de San Xurxo (no ano 303), un santo que foi moi venerado na idade media como un símbolo do triunfo do ben sobre o mal. Existen moitas lendas que asocian a San Xurxo montado sobre un cabalo branco e dando morte a un dragón.
O CPI Virxe da Cela quixo sumarse a esta conmemoración levando a cabo un acto simbólico o pasado xoves 23 de abril de 2015, convocando a todo o alumnado e profesorado do centro para facer a entrega de premios de diplomas do “Concurso de dragóns” (organizado polo departamento de plástica en relación ao proxecto Dragal, do Equipo de Dinamización da Lingua Galega) e uns fermosos marcapáxinas cun lema que potencia a lectura e unha representación de San Xurxo.
OBRADOIRO BANDA DESEÑADA: Iván Suárez
Os rapaces e rapazas de 1º da ESO do CPI Virxe da Cela participaron nun obradoiro de banda deseñada impartido polo debuxante Iván Suárez, que se levou a cabo o pasado xoves 30 de abril de 2015, enmarcado dentro da materia Proxecto Interdisciplinar. Iván Suárez explicou con todo detalle cada unha das etapas do proceso creativo, tomando como referencia a súa propia obra Titoán, premio Castelao de Banda Deseñada 2011 pola Deputación de A Coruña, un interesante proxecto dedicado á figura de Castelao.
Aprendimos que a banda deseñada é unha arte ideal para transmitir historias, tal como o fai a arte cinematográfica, e para iso é moi importante desde un principio traballar cun guión, elaborar numerosos bocetos e probas, pensar na psicoloxía dos personaxes, utilizar diferentes tipos de planos axeitados ás diferentes situacións que se queren narrar, etc. Tras toda esa serie de explicacións teóricas pasamos á practica: coller lapis, papel, tesoiras e pegamento e comezar a dar vida a monigotes co rostro baleiro… Un simple sorriso, un aceno, unha mirada… pode ser indicativo dun estado psicolóxico, crear tensións, comunicar un sentimento. E paso a paso, viñeta a viñeta, secuencia a secuencia seremos que de contar unha historia. Os resultados os veremos próximamente!!!
PROXECTO DRAGAL
DRAGAL I: A HERDANZA DO DRAGÓN
ELENA GALLEGO ABAD
Se premedes nesta imaxe poderedes acceder á web oficial de Elena Gallego Abad
Elena Gallego Abad, nada en Teruel o 27 de maio de 1969, é unha xornalista e escritora galega. Criouse en Verín. Iniciouse como xornalista en 1987 na emisora de Radio Ourense, pertencente á Cadena SER. Até 1999 traballou noutras emisoras como Radio Minuto Santiago (Ondas Galicia), Radio Popular Ourense (Cadena Cope), Voz de Galicia Radio (Verín) e Onda Cero Ourense Traxectoria. Entre 1994 e 1996 colaborou como redactora e fotógrafa para os xornais La Voz de Galicia e La Región. En 1999 pasou a traballar no Faro de Vigo nas delegacións de Ourense e Pontevedra. Dende 2002 traballa en Cangas. Pertence ao Colexio Oficial de Xomalistas de Galicia e á Federación Internacional de Periodistas. Iniciouse como escritora coa novela Dragal, a herdanza do dragón, publicada por Edicións Xerais en abril de 2010.
Obra literaria Narrativa
-Dragal, A herdanza do dragón, 2010, Xerais.
-Dragal II. A metamorfose do dragón, 2011, Xerais.
-Dragal III. A fraternidade do dragón, 2012, Xerais.
Premios
-Premio de Xornalismo Xosé Aurelio Carracedo da Deputación de Ourense no apartado de Medios Audiovisuais no 2008, pola produción e realización do programa A Fiestra, de Onda Cero Ourense.
-Finalista do IV Premio Caixa Galicia de Literatura Xuvenil no 2009, por Dragal, a herdanza do dragón.
-Premio Frei Martín Sarmiento na categoría de 1º e 2º da ESO do 2012, por Dragal.
LENDAS DA PONTE DO PORCO
En pleno século XXI, época na que os humanos pasamos grande parte das nosas vidas relacionándonos e interactuando con máquinas e dispositivos en lugar de facelo cos nosos iguais, César Cambeiro ensinou unha valiosísima lección ao alumnado de 1º e 2º da ESO do CPI Virxe da Cela: a importancia de saber falar, comunicarse e dominar a arte das palabras.
Partindo da historia que se narra no libro Dragal I: a herdanza do dragón, escrito por Elena Gallego Abad e que constitúe o fío condutor do Proxecto Dragal (coordinado polo Equipo de Dinamización Lingüística e no que participan diferentes departamentos), César Cambeiro mergullouse no fantástico mundo das lendas, da mitoloxía, dos seres fantásticos, das crenzas e supersticións, etc… Toda unha enciclopedia de saber, o noso patrimonio inmaterial, unha importante fonte de riqueza que debemos de valorar, respectar e axudar a transmitir para que siga viva nas vindeiras xeracións.
Un prato cociñado con moita retranca e humor galego e condimentado tamén con esencia poética, que puidemos saborear durante as dous sesións de tarde do xoves 16 de abril de 2015 nunha intensa actuación na que César Cambeiro puxo toda a carne no asador, e de que maneira…! A intensidade da actuación subía e baixaba como unha montaña rusa, e mesmo o público retorcíase a gargalladas para pasar, ipso facto, a un estado de sutil encantamento ollando sen palpebrar e escoitando con máxima atención os versos de amor de Roxín Roxal á súa amada Tereixa, protagonistas dunha fermosa lenda ambientada na Ponte do Porco, lugar onde o noso coñecido río Lambre únese á inmensidade da mar.
-Premio Frei Martín Sarmiento na categoría de 1º e 2º da ESO do 2012, por Dragal.
En pleno século XXI, época na que os humanos pasamos grande parte das nosas vidas relacionándonos e interactuando con máquinas e dispositivos en lugar de facelo cos nosos iguais, César Cambeiro ensinou unha valiosísima lección ao alumnado de 1º e 2º da ESO do CPI Virxe da Cela: a importancia de saber falar, comunicarse e dominar a arte das palabras.
Partindo da historia que se narra no libro Dragal I: a herdanza do dragón, escrito por Elena Gallego Abad e que constitúe o fío condutor do Proxecto Dragal (coordinado polo Equipo de Dinamización Lingüística e no que participan diferentes departamentos), César Cambeiro mergullouse no fantástico mundo das lendas, da mitoloxía, dos seres fantásticos, das crenzas e supersticións, etc… Toda unha enciclopedia de saber, o noso patrimonio inmaterial, unha importante fonte de riqueza que debemos de valorar, respectar e axudar a transmitir para que siga viva nas vindeiras xeracións.
Un prato cociñado con moita retranca e humor galego e condimentado tamén con esencia poética, que puidemos saborear durante as dous sesións de tarde do xoves 16 de abril de 2015 nunha intensa actuación na que César Cambeiro puxo toda a carne no asador, e de que maneira…! A intensidade da actuación subía e baixaba como unha montaña rusa, e mesmo o público retorcíase a gargalladas para pasar, ipso facto, a un estado de sutil encantamento ollando sen palpebrar e escoitando con máxima atención os versos de amor de Roxín Roxal á súa amada Tereixa, protagonistas dunha fermosa lenda ambientada na Ponte do Porco, lugar onde o noso coñecido río Lambre únese á inmensidade da mar.
PLANIFICACIÓN PROXECTO DRAGAL 3º TRIMESTRE
Na clase de Reli os alumnos e alumnas de 1º ESO realizamos unha pequena viaxe a unha parte do pasado milagreiro dá nosa contorna para comprender que ás lendas, os mitos, os contos... son tamén unha pista da nosa cultura, das nosas tradicións... Nelas descubrimos paisaxes, montañas, vales...emprendemos unha viaxe que nos perde no tempo para encontrarnos cos nosos antepasados, con deuses case esquecidos, con santos, heroes, ritos sorprendentes, narracións dignas de ser oídas. A nosa tradición é a nosa historia, e a nosa historia é parte importante de nós. Todos os pobos parten nos seus inicios, dunha historia que é mais lenda que verdadeira testemuña fiel, pero non por iso esta deixa de ser menos valida, mais ben todo o contrario, en canto un pobo toma como propio un mito ou unha lenda, pasa a integrar a súa realidade e configurar parte da súa historia.
Nesta viaxe achegámonos aos montes de Monfero, Eume, Aranga, Sobrado e Toques, para descubrir a riqueza arquitectónica e cultural que posuen.
A continuación tedes o traballo de investigación feito polos rapaces e rapazas de 1º da ESO.
Certame “Elixe o teu dragón”
Subscribirse a:
Publicacións (Atom)